Mizik : Fred Deshayes chante « Krim kont Lagwadloup »

Le fauteuil de maire est-il héréditaire ? Devenir chef d’édilité, est-ce une fin en soi ? En ces temps d’élections municipales, il nous semble approprié de méditer les paroles d’une célèbre chanson de Fred Deshayes, leader du groupe Soft. Le titre « Krim kont Lagwadloup » traite de la capacité de chacun à produire de l’harmonie et du sens collectif. Sans se faire donneur de leçons, le chanteur interroge la vitalité de son propre sens civique pour mieux nous renvoyer à nos responsabilités envers nous-mêmes… et envers ce pays que nous disons aimer.

Mwen-menm pa méyè ki on dòt
Zòt ké ban mwen avi a zòt
Lè an ka vwè sa ka pasé
Ni dé moun fô nou pousuiv
Pou krim kont Lagwadloup

On pakèt moun ka mò pou mè
Menmsi kè a yo vin anmè
Monté alyans é vann dé frè
Pou gangné trofé a rété lontan
Pasé méri an éritaj
E pou lézòt yenki chomaj
On vyé ti lajan an ka gangné
An ka gadé lézòt ka bonbansé

Mwen menm pa méyè ki on dòt
Zòt ké ban mwen avi a zòt
Lè an ka vwè sa ka pasé
Ni dé moun fò nou pousuiv
Pou krim kont Lagwadloup

Jénès ka di pa ni ayen pou yo
Mé ka yo menm ka fè ba yo
Sé fè ti nat é kritiké
Pandan yo ka gadé télé
Mésyé imité pa dinité
Karibiann « Caribbean » sa pa vlé di palé anglé
An ka di’w sa é sa séryé ni dé moun fò…

Mwen menm pa méyè ki on dòt
Zòt ké ban mwen avi a zòt
Lè an ka gadé sa ka pasé
Ni dé moun fò nou pousuiv
Pou krim kont Lagwadloup

An ka mandé ka i libèwté
Lè ou pa ni lajan pou manjé
An ka mandé’w égalité
Lè pitit a maléré toujou maléré
An ka mandé’w Fratèrnité
An ka vwè a pa aka Nèg lajan mété
An ka di’w sa é sa sèryé ni dé moun wè…

Politik-la touné an makakri
Entélèktyèl asi on niyaj ka dòmi
Ni on bann moun ka anmizé
Zafè a yo bèl lè nou mélé

Istwa an nou pa ka vansé
Sé toujou pirat é flibistyé
Lèspwa ka mò piti a piti
Dèmen an nou vin a krédi

Mwen-menm pa méyè ki on dòt
Si zòt vlé zòt pé gadé avi a zòt
Pas lè an vwè ka’y ka pasé
Sé nou menm fô nou pousuiv
Pou krim kont Lagwadloup

On jenn tiré asi on jenn
On Nèg tiré asi on Nèg
Sa ki pi kriminèl adan tousa
Nou sizé la nou ka gadé sa

Mwen-menm pa méyè ki on dòt
Si zòt vlé zòt pé gadé avi a zòt
Pas lè an vwè ka’y ka pasé
Sé nou menm fò nou pousuiv
Pou krim kont Lagwadloup

Fred Deshayes